தமிழ்மணத்தின் மாற்றத்தால் குளிர் காய்வது யார்

சமீபத்திய தமிழ்மண மாற்றங்கள் உங்கள் அனைவருக்கும் தெரிந்திருக்கும், இதில் எனக்கும் எந்தவித உடன்பாடும் இல்லை. நாம் தமிழின உணர்வாளர்களை இழந்துள்ளோம், அவர்களின் செய்தி மக்களிடம் அதிக அளவில் சென்றடைவது தடுக்கப்படுகிறது அதுவும் இத்தகைய ஒரு சூழ்நிலையில் வன்னி படுகொலை, பாராளுமன்ற தேர்தல் வரும் நேரம் இத்தகையதொரு முடிவினை தமிழ்மணம் ஏன் எடுத்தது, இதன் பிண்ணனி என்ன எதுவும் தெரியாது. கண்டிப்பாக இது துரோகத்தனம் எதுவும் இருக்காது என நம்புகிறேன்.

ஆனால் இது ஒரு தவறான முடிவு. தவறு செய்வது மனிதனின் இயல்பு. அனைவரும் தவறு செய்கிறோம்.

ஆனால் தவறு என்று உணர்ந்து அதை திருத்தி கொள்பவன் ஞானி, அதில் தவறேதும் இல்லை. அது அவனுக்கு நல்ல ஒரு பழக்க வழக்கத்தை கற்று கொடுக்கிறது.

தமிழ் மணமும் தன் தவறை உணர்ந்து ஞானியாக வர வேண்டும் என்பது என் கருத்து. அது மேலும் உங்களின் மகுடத்தில் ஒரு கல் பதிப்பது போன்றதே. நீங்கள் நினைப்பது போல் அது கோழைத்தனம் அல்ல, பின் வாங்குவது அல்ல. என்னுடைய தந்தை எனக்கு கற்று கொடுத்த பாடம், பின்வாங்குவதும், தவறினை திருத்தி கொள்வதுமே ஒரு மனிதனை உண்மையான மனிதானாக்குகிறது.

நான் எடுத்த முடிவுதான் சரி எவனும் என்னை கேட்கமுடியாது, புயலுக்கு எதிராக புல்லாகதான் வளைய வேண்டும்.

அதற்க்காக தடைசெய்யப்பட்டவர்கள் புயலாகவும், நீங்கள் புல்லாகவும் நினைக்கவில்லை. உங்களுக்கு ஆயிரக்கணக்கில் பதிவர்கள் இருக்கலாம், இவர்கள் ஒரு துரும்பே இல்லை உங்களுக்கு. ஆனால் சிறு துரும்பும் பல் குத்த உதவும் என்ற பழமொழியினை நினைத்து பாருங்கள். ஒரு ரூபாயாக பிரிக்கப்பட்ட பணங்களும் இன்று ஈழத்தமிழர்களின் வயிற்று பசியினை போக்குகின்றன. இவர்களின் ஒரு செய்தி ஒரு நல்லவனிடன்(ஓபாமா, ஹிலாரி கிளிண்டன், மெக்ஸிகோ, சீமான் போன்றவர்களிடம்) போய் சேர்ந்தால் அதனால் விடுதலை கிடைக்காதா என்ன.

நாம் அனைவரும் தமிழரே, தமிழ் இனத்துக்காக போராடுபவர்கள் நமக்குள் ஏன் இந்த கருத்து வேறுபாடு.

மன்னிக்கவும் குளிர் காய்பவர்கள் என்று தலைப்பு வைத்து விட்டு வேறு என்னமோ பேசறேனுங்க. எதுக்கு அநாவசியமாக துரோகிகளை பத்தி பேசணும் தமிழ் மணம் மாறிவிட்டால். தேவையென்றால் மற்றுமொரு பதிவில் காணாலாம்.