இந்தியா, இந்தியா மற்றும் இந்தியாவே எல்லாம்!

வன்னியில் இன்று மும்முரமாக முன்னெடுக்கப்படும் போரின் மூலம் என்ன?... தமிழினத்தின் உண்மையான எதிரி யார்?... அந்த எதிரியை முறியடிக்க உலகத் தமிழர்கள் இன்று செய்ய வேண்டியது உண்மையில் என்ன?... என்ற விடயங்களை இங்கே ஆராய்கின்றார் தி.வழுதி.
"புதினம்" செய்திப் பிரிவு மிகக் கவனமாக - ஆதாரபூர்வமான தகவல்களின் அடிப்படையில் - சேகரித்த விபரங்களின் படி கடந்த ஒரு மாத காலத்திற்குள், அதாவது 2009 ஆம் ஆண்டு பிறந்த பின்னர் மட்டும் இலங்கையில் 439 தமிழர்கள் படுகொலை செய்யப்பட்டு விட்டனர்.

பச்சிளம் குழந்தைகளும், பாலகர்களும், சிறுவர்களும், முதியோர்களும் என படுகாயப்படுத்தப்பட்ட தமிழர்களின் எண்ணிக்கை 1,772.

அதாவது - சராசரியாக - ஒவ்வொரு நாளும் 14 தமிழர்கள் கொல்லப்பட்டு, 57 தமிழர்கள் காயப்படுத்தப்பட்டுள்ளனர்.

இதேவேளை - இந்த ஒவ்வொரு நாளும் - போர்க்களத்தில் வீழ்ந்து போன, விழுப்புண்பட்ட புலிப் போராளிகளின் எண்ணிக்கை இங்கே சேர்க்கப்படவில்லை. இறந்து போன, போர்க்காயமடைந்த அவர்களும் தமிழர்களே.

இது தவிர - வன்னியில் இருந்து வெளியேறிய 160 வரையான தமிழ் இளம் பெண்களும், இளைஞர்களும் - இரகசியமான சித்திரவதை முகாம்களுக்குக் கொண்டு செல்லப்பட்டு - வதை செய்யப்பட்டு கொன்று புதைக்கப்பட்டதாக வெளியில் சொல்ல முடியாத ஆதாரங்களில் இருந்து நம்பகமான தகவல்கள் உண்டு.

தெளிவாக - இது ஓர் இனப்படுகொலைப் போரே அன்றி வேறொன்றும் அல்ல.

ஆனால் - இந்த இனப் படுகொலைப் போரை நடத்துவது யார் என்பதிலும், அதற்கு எதிராக நாம் செய்ய வேண்டியது என்ன என்பதிலும் தான் எமக்கு தெளிவு தேவை.



"அன்னை சோனியாவின் ஆன்மா கரையப்போவதில்லை"

இது இந்தியாவின் போர்; சிறிலங்கா ஒரு பொம்மை மட்டுமே.

இந்தப் போர் ஒரு முடிவுக்கு வருவதற்கு இந்தியா விடப்போவதே இல்லை: அதாவது, சிறிலங்கா விரும்பினாலும் கூட இந்தப் போர் நிற்கப் போவதில்லை.

இந்தியப் படை அதிகாரிகள் - வன்னிப் போர் முனையில் - வெறுமனே பிரதான கட்டளை மையங்களில் மட்டுமன்றி - நேரடியான போர்ச் செயற்பாடுகளிலேயே ஈடுபடுகின்றனர்.

இந்திய உளவு வானூர்திகள் புலிகளின் கட்டுப்பாட்டுப் பிரதேசத்தை 24 மணி நேரமும் கண்காணித்தபடியே உள்ளன.

இந்திய கடற் கண்காணிப்பு கதுவீ (Radar) கருவிகள் வங்காள வரிகுடாவை 24 மணித்தியாலமும் கண்காணித்த வண்ணம் உள்ளன.

இந்தியாவின் கண்களுக்கு தப்பி ஒரு மீன்பிடிப் படகு கூட அங்கு நீந்த முடியாது.

இந்தத் தகவல்கள் எல்லாமே விடுதலைப் புலிகளுக்குத் தெளிவாகத் தெரிந்திருப்பினும் கூட - அரசியல் இராஜதந்திர நோக்கங்கள் கருதி - சில விடயங்களை வெளிப்படையாகச் சொல்ல முடியாதவர்களாக அவர்கள் உள்ளனர்.

ஒரு புறத்தில் போரை நடத்திக்கொண்டு - மறுபுறத்தில், அனைத்துலக நாடுகளிடம் இருந்து வரக்கூடிய அழுத்தங்கள் எல்லாவற்றையும் முறியடிப்பதற்கான இராஜதந்திர ஆலோசனைகளையும் சிறிலங்காவுக்கு வழங்குகின்றது இந்தியா.

பொருளாதாரம் சீரழிந்து சிறிலங்கா வீழ்ந்தாலும், அதனை முட்டுக்கொடுத்து தூக்கிவிட்டு - இந்தியா இந்தப் போரை நடத்தும்.

ஆட்பலம் குறைந்து சிங்களப் படை தவித்தாலும், தன் படைகளை இந்தியா போருக்கு அனுப்பும்.



தனக்காக நாம் இருக்கிறோம் என்ற நம்பிக்கையிலேயே இவன் சிரிக்கின்றான்

பிண மலையாகத் தமிழர்கள் வன்னியில் குவிந்தாலும் சரி, முத்துக்குமாரர்களாக "சாஸ்திரி பவன்" முற்றத்தில் தமிழர்கள் எரிந்தாலும் சரி - அன்னை சோனியாவின் ஆன்மா கரையப் போவதில்லை.

தமிழ்த் தேசிய எழுச்சித் தீயை அணைத்து அடக்கும் வரை - காங்கிரசின் இந்திய வல்லாதிக்கம் ஓயப்போவதில்லை.

பிரபாகரனின் சவப்பெட்டியில் கடைசி ஆணியை அடிக்கும் வரை - சோனியா காந்தி நிம்மதியாக தூங்கப் போவதில்லை.

என்றோ இறந்து போன ராஜீவ் காந்திக்காக - நேற்றும் இன்றும் நாளைக்கும், இனி என்றும் தமிழர்களைப் பழி தீர்த்துக்கொண்டே இருக்கப் போகின்றது காங்கிரசின் இந்தியா.

சிவ்சங்கர் மேனனையும், பிரணாப் முகர்ஜியையும், தமிழ்நாட்டு மக்கள் கொடுத்த உணவு மூட்டைகளையும் சிறிலங்காவுக்கு பகிரங்கமாக அனுப்பி - மற்ற நாட்டுக்காரர்களைத் தள்ளி நிற்க வைத்து விட்டது இந்தியா.

நோர்வேயின் எரிக் சொல்கெய்ம் - மிக அண்மையில் - புலிகளிடம் நேரடியாகவே சொல்லிவிட்டார், "இப்போது எமது கையில் எதுவுமே இல்லை", என்று.

உலகத் தமிழர்களே! இது எமக்குரிய நேரம்: இதுவே தான் எமக்கான நேரம்!

எமக்காக எழுந்துவிட்ட ஏழு கோடி தமிழகத் தமிழர்களுடன் சேர்ந்து - உலகத் தமிழர்கள் நாம் - எம்மைப் பழி தீர்க்க முனையும் இந்தியாவின் இந்த குரூர வெறிக்கு ஒரேயடியாக முடிவு கட்ட வேண்டும்.

ஊரில் நடைபெறும் நிகழ்வுகளின் செய்திகளைப் பார்த்து, கொதிப்படைந்து - ஏதாவது செய்தாக வேண்டும் என்ற உணர்வுப் பெருக்கோடு எதையாவது செய்து கொண்டிருக்கின்றோம்.

உலகு எங்கும் - கவனயீர்ப்பு நிகழ்வுகள் செய்து, ஆர்ப்பாட்டப் பேரணிகள் வைத்து, மனுக்கடிதங்கள் எழுதி, மனிதச் சங்கிலிகள் பிடித்து - எங்கள் கோபத்தையும், ஆதங்கத்தையும் பிழையான இடங்களின் மீது நாம் காட்டிக்கொண்டிருக்கின்றோம்.

சிறிலங்கா அரசின் மீது அழுத்தம் போட்டு தமிழர் இனப் படுகொலையைத் தடுத்து நிறுத்தமாறு உலக நாடுகளையும், ஐக்கிய நாடுகள் சபையையும் நாம் வேண்டுகின்றோம்.




இந்தியா நடத்தும் போர்: இனி நடக்க முடியாதவள் ஆனாள் தங்கை

ஆனால் - தமிழர் இனப் படுகொலையை நிகழ்த்துவது சிறிலங்கா அல்ல; அது இந்தியாவே என்பதை நாம் உணர வேண்டும்.

சிறிலங்கா இப்போது வெறும் பொம்மை மட்டுமே; இது இந்தியா இயக்கும் போர் என்பது எல்லோருக்குமே தெரியும்.

இப்போதுள்ள சூழலில் - தென்னாசியாவில், இந்தியாவை மீறி எதுவுமே நடக்கப்போவதில்லை.

மேற்குலக நாடுகள் என்றாலும் சரி, ஐக்கிய நாடுகள் சபை என்றாலும் சரி -

ஆகவும் மிஞ்சிப் போனால் - எமது ஆய்க்கினை தாங்காமல் - ஒரு அறிக்கையை விடுவார்கள்; கவலை தெரிவிப்பார்கள். அதற்கு மேல் அவர்கள் எதுவுமே செய்ய மாட்டார்கள்; அவர்களால் எதுவும் செய்யவும் இயலாது.

இந்தியா, இந்தியா மற்றும் இந்தியாவே எல்லாம்.

"வெள்ளை மாளிகை" முன்றலிலும், "டவுணிங் ஸ்ட்றீட்"டிலும், ஒட்டாவாவின் வீதிகளிலும் மற்றும் மேற்குலகின் சாலைகளிலும் நாம் நடத்தும் பேரணிகள் உண்மையில் அந்தந்த நாடுகளின் அரசுகளுக்குச் சங்கடங்களையே ஏற்படுத்தும்.

எம் மீது ஒரு வகையான சினத்தைக்கூட - அந்தந்த நாட்டு அரசுகளினதும், அந்தந்த நாட்டு மக்களினதும் மனங்களில் - உருவாக்கப் பார்க்கும். ஒரு வகையில் - தேவையற்ற பகை உணர்வைக்கூட, அது தமிழர்களுக்கும், மேற்குலகிற்கும் இடையில் ஏற்படுத்தும்.

மேற்குலக அரசுகளின் ஆதரவு பின்னால் எமக்கு தேவை: இப்போது, எதுவும் செய்ய முடியாத சூழலில் அவர்கள் இருக்கும் போது - அவர்களைச் சங்கடப்படுத்துவது நமக்கு நன்மையைச் செய்யாது; அது அழகும் அல்ல.

எனவே - அளவுக்கு அதிகமான தொந்தரவைக் கொடுக்காமல் ஓரு தூர நோக்கப் பார்வையோடு மேற்குலகை நாம் விட்டுவைக்க வேண்டும்.

இப்போது -

எமது துடிப்பு - சக்தி - கவனம் எதனையும் வேறு இடங்கள் நோக்கிச் சிதற விடாமல் - எல்லாவற்றையும் இந்தியாவை நோக்கியே நாம் செலுத்த வேண்டும்.

உலகத் தமிழர்களின் பொங்கும் உணர்வு எழுச்சியைப் பல திசைகளிலும் பரவ விட்டு, எல்லா இடங்களிலும், எல்லாவற்றையும் செய்துகொண்டிருக்காமல் -

அதை ஒருங்கே குவித்து - சரியான இலக்கை நோக்கி நகர வைக்க வேண்டிய பொறுப்பு அந்தந்த நாடுகளிலுள்ள தமிழ் செயற்பாட்டாளர்களின் கைகளிலேயே இப்போது உள்ளது.

அந்த சரியான இலக்கு - இந்தியா.

என்றுமில்லாத அளவுக்கு பேரெழுச்சி கொண்டுள்ள தமிழக மக்களுக்குப் பின்னால் உலகத் தமிழர்கள் உடனேயே அணிதிரள வேண்டும். எமக்காகப் போராடும் அவர்களோடு நாம் ஒன்றிணைய வேண்டும்.

விடுதலைப் புலிகளின் கோலாகலமான ஒரு போர் வெற்றிக்காக இரண்டு வருடங்கள் நாம் காத்திருந்தோம்: எதுவுமே நடக்கவில்லை; நடக்க இந்தியா விடவில்லை.

இப்போது - காங்கிரஸ் ஆட்சியின் கேவலமான ஒரு வீழ்ச்சிக்காக நான்கு மாதங்கள் காத்திருக்க எமக்கு அவகாசம் எதுவும் இல்லை; அதன் பிறகு கூட ஏதாவது நடக்கும் என்பதற்கு எந்த உத்தரவதமும் இல்லை.

உலகு எங்கும் உள்ள இந்தியத் தூதரகங்களை நாம் இப்போதே முற்றுகைக்கு உள்ளாக்க வேண்டும்.

தொடர்ச்சியாக - இடைவிடாமல் - ஒருங்கு திரட்டப்பட்ட செயல் வீச்சோடு - அதை நாம் பல்லாயிரக்கணக்கில் திரண்டு செய்ய வேண்டும்.

லண்டன் நகர வீதிகளில், ஒரு லட்சம் பேர், ஒரே நாளில் திரண்டு பிரித்தானிய மக்களின் அன்றாட வாழ்வுக்குச் சிரமங்கள் தருவதைத் தவிர்த்து விட்டு - லண்டனில் உள்ள இந்தியத் தூதரகத்தை 5 ஆயிரம் பேராக ஒரு சுழற்சி முறையில் 20 நாட்களுக்கு முற்றுகையிட வேண்டும்.

அதேபோல - ரொறான்ரோ நகர வீதிகளில், 80 ஆயிரம் பேர், ஒரே நாளில் திரண்டு கனடிய மக்களின் அன்றாட வாழ்வுக்கு அலுப்புத் தருவதைத் தவிர்த்து விட்டு - கனடாவுக்கான இந்தியத் தூதரகத்தை 4 ஆயிரமாக ஒரு சுழற்சி முறையில் 20 நாட்களுக்கு முற்றுகையிட வேண்டும்.

இதே போல ஒவ்வொரு நாடுகளிலும் செய்ய வேண்டும்.

தமிழர் பிரச்சினை தவிர வேறு எதைப் பற்றியுமே சிந்திக்க முடியாத - நாளாந்த அலுவல்களில் சிரத்தை காட்ட முடியாத - செயலிழப்பு நிலைமைக்கு வெளிநாட்டு இந்தியத் தூதரகங்களை நாம் உள்ளாக்க வேண்டும்.

எமது இடைவிடாத முற்றுகைகள் மூலம் - தூதரக அதிகாரிகளையும், தூதுவர்களையும் செயற்பட முடியாத அளவு எரிச்சலுக்கும், சினத்திற்கும் உள்ளாக்க வேண்டும்.

தமது தூதரகங்களுக்கே சென்றுவர முடியாதுள்ள - தமது பணிகளை ஆற்ற முடியாதுள்ள தமது கையாலாகாத்தனத்தை அவர்கள் டெல்லித் தலைமைக்கு முறையிட வைக்க வேண்டும்.

தமிழ் இனத்தைப் படுகொலை செய்து அழிக்கும் போரின் சூத்திரதாரி சிறிலங்கா அல்ல; இந்தியா தான் என்பதை இந்த உலகின் முற்றத்தில் நாம் ஓங்கி ஒலிக்க வேண்டும்.

இந்தியா நடத்தும் இந்தப் படுகொலைப் போரின் பழியை இந்தியாவின் தலையிலேயே நாம் சுமத்த வேண்டும்.

ஓரு பழம்பெரும் இனத்தை அழிக்கும் நாடு என்ற அவமான வெட்கத்தை இந்தியாவின் முகத்தில் நாம் பூச வேண்டும்.

அதனை நோக்கியே எமது செயற்பாடுகள் யாவும் அமைய வேண்டும்.

உண்மையில் - மேற்குலகத் தலைவர்களுக்கும், கொள்கை வகுப்பாளர்களுக்கும் நாம் நேரடியாக எதனைமே சொல்ல வேண்டியதில்லை:

உலகு எங்கும் உள்ள இந்தியத் தூதரகங்கள் முன்னால் பல்லாயிரக்கணக்கில் திரண்டு நாம் நடத்தும் முற்றுகைப் போராட்டமே - சொல்ல வேண்டிய செய்தியை அந்தந்த நாட்டுத் தலைவர்களுக்குச் சொல்லும்.

படுகொலைப் பழியை இந்தியா மீது சுமத்தி - இந்தியாவை கூனிக்குறுக வைத்து - தமிழர்களின் விடயத்தில் இந்தியாவின் விருப்பத்தை மீறிய முடிவுகளை எடுக்கும் சூழலுக்குள் மேற்குலக நாடுகளை நாம் நிர்ப்பந்திக்க வேண்டும்.

மேற்குலக நாடுகளை அவ்வாறான முடிவுகளை எடுக்க வைப்பதன் மூலம் - சோனியா காந்தியின் குரூர விருப்பங்களை மீறிய முடிவுகளை எடுக்கும் சூழலுக்குள் காங்கிரஸ் தலைமையை நாம் நிர்ப்பந்திக்க வேண்டும்.

நாம் தெளிவாக இருப்போம் -

சிறிலங்கா அல்ல, இந்தியாவே தமிழர்களின் எதிரி. அதனையே நாம் இலக்கு வைக்க வேண்டும். மேற்குலக நாடுகளையும், அதன் தலைவர்களையும் நோக்கி எமது கவனத்தையும், சக்தியையும் சிதறவிடாமல் - இந்தியாவை நோக்கியே எமது எண்ணங்களையும், செயல்களையும் நாம் ஒருங்கு குவிக்க வேண்டும்.

ஒரேயடியாக - இந்தப் பிரச்சினைக்கு ஒரேயடியாக முடிவு கட்ட வேண்டும்.

இந்தியாவை நோக்கிய எமது செய்தி - உலகம் முழுவதிலும் - ஒன்றாகவே இருக்க வேண்டும்:

தமிழீழ விடுதலைப் புலிகள் மீதான தடையை நீக்கு!
தமிழீழ விடுதலைப் போராட்டத்தை அங்கீகரி!
சிறிலங்காவுக்கான போர் உதவிகள் அனைத்தையும் நிறுத்து!

ஓவ்வொரு நாளும் 15 தமிழர்கள் சாகின்றனர். ஓய்ந்திருந்து யோசிக்க எமக்கு நேரமில்லை. அவர்களையும், எம் தேசத்தையும் காக்கும் வழியும் எமக்குத் தெரிகின்றது.

செயற்படுவோம், இப்போதே!

கருத்துக்களை இந்த முகவரிக்கு அனுப்பலாம்: t.r.vazhuthi@gmail.com


நன்றி :
[மு.ப ஈழம்] [தி.வழுதி]
http://puthinam.com/full.php?2beIJbNla0acdFnUM30ecdEYdo30cc2t1NvU24d24YWrac4b33bORb64d4eyVAahbd0e0Xc1fFde

திண்ணை காலிக்கு 'முதுகெலும்பு' இல்லாததால் வந்த முதுகு வலியோ இது.....?"

இலங்கைத் தமிழர் பிரச்சினையை ஒட்டி தமிழகத்தின் ஆளும் தி.மு.க. நேற்று முன்தினம் கூட்டிய செயற்குழுக் கூட்டத்தின் தீர்மானமும் அங்கு தி.மு.தலைவரும் முதல்வருமான் கருணாநிதி ஆற்றிய உரையும், அதற்குப்பின்னர் செய்தியாளர்களிடம் அவர் வழங்கிய பேட்டியும் இலங்தை; தமிழர் விடயத்தில் கருணாநிதியினதும், தி.மு.க.தலைமையினதும் அதன் மாநில அரசினதும் முகத்திரையைக் கிழித்து உண்மைச் சொரூபத்தை அம்பலப்படுத்தி விட்டன என்றே கூறவேண்டும்.

ஈழத்தமிழர்களின் இன்றைய பேரவல நிலைமையும் அவர்கள் சிங்களவர்களினால் கொடுமைக்கு உள்ளாக்கப்படும் நிஜத்தையும் கருணாநிதி இந்தப் பேட்டியில் திரும்பவும் பகிரங்கமாக ஒப்புக் கொண்டிருக்கிறார். தமிழக மக்கள்; ஒவ்வொருவரினதும் மன எண்ணத்தில் பெரும் கொந்தளிப்பை ஏற்படுத்தி நிற்கும் இந்தப் பெரும் கொடூரத்தை மறுக்க மறைக்க அதை ஒப்புக் கொண்டாரோ தெரியவில்லை.

இன்று ஈழத்தமிழர்கள் பச்சிளம் குழந்தைகள் கூட கொல்லப்படுகின்றார்கள். தாய் மார்கள் இழிவாக நடத்தப்படுகின்றார்கள். இந்த நிலையில் தமிழ்நாட்டின் தலைவர்கள் தங்களைக் காப்பாற்றுவார்கள் என்ற ஈழத்தமிழர்கள் குரல் கொடுக்கிறார்கள்..' கருணாநிதி கூறுகிறார்.

ஆனால் ஈழத்தமிழரின் அந்த எதிர்பார்ப்பை நிறைவு செய்யாமல் பதவிக் கதிரையை ஒட்டிப் பிடித்துக் கொண்டிருப்பதில்தான் 'திண்ணையைக் காலி செய்ய மாட்டேன் என அடம் பிடிப்பதில்தான் உறுதியாக நிற்கிறார் கருணாநிதி

'ஈழத் தமிழர்களின் நலனைப பாதுகாப்பாற்காகப் பதவியை இழந்து, அரசைத் துறக்கவும் தயார்' என்று அண்மையில் கூட 'வாய்வீரம்' காட்டிய 'வாய்ப்பேச்சு வீரர்' தான் இந்த கருணாநிதி என்பதனை மறுப்பதற்பாலானது.

'இலங்கையில் போரை நிறுத்தச் செய்வதற்கு இந்திய மத்திய அரசு போதுமான நடவடிக்கை எடுக்கவில்லை என்று கூறப்படுகிறதே?' என்ற கேள்விக்குப் பதிலளித்த கருணாநிதி

"போதுமானதாக இல்லை என்பது தான் தி.மு.க.வின் நிலைமை. ஆனால் போரை நிறுத்தச் செய்யக் கூடிய அதிகாரமும் வலிமையும் மாநில அரசுக்கு இல்லையே ' எனப் பதிலளித்திருக்கிறார்.

அவர் கூறுவது போல இலங்கையில் போரை நிறுத்தச் செய்யக் கூடிய அதிகாரமமும் வலிமையும் மாநில அரசுக்கு இல்லை என்பது வாஸ்தவந்தான்.

ஆனால் அதனைச் செய்விப்பதற்கான அதிகார வலுவும், ஆளுமைப் பலமும், கட்டளை இடும் மிடுக்கும் இந்திய மத்திய அரசுக்கு நிலையவே உண்டு. அந்த வலிiமையை இந்திய மத்திய அரசு சரிவரப் பயன்படுத்தவிலை;லை என்பதுதான் பிரதான குற்றச்சாட்டு. 'மத்திய அரசு போதுமான நடவடிக்கை எடுக்வில்லை' என்பதை கருணாநிதியே நேரடியாக ஒப்புக் கொண்டமை கூட இந்த அடிப்படையில்தான்.

உண்மையில் இலங்கையில் போரை நிறுத்தச் செய்யும் நேரடி அதிகாரபலம் தமிழக அரசுக்கு இலாதபோதும் இப்படிச் செய்யும் வலிமை உடைய இந்திய மத்திய அரைச, அத்தியையில் செயற்படவைக்கும் அதிகாரமும், வலுவும் செல்வாக்கும் மாநில அரசுக்கும் தி.மு.காவிற்கும் ரொம்பவே தாராளமாகவே நிறையவே உளளன என்பது மறைக்கக் கூடியதொன்றல்ல.

அவரது தி.மு.க எம்பிக்களின் ஆதரவில்தான் மத்திய அரசு இன்று நிலைத்து நீடிக்கின்றது. மத்திய அரசுக்குத் தான் கொடுத்து வரும் முண்டைத் தி.மு.க விலக்கிக் கொண்டால் மத்திய அரசு கவிழ வேண்டியதுதான்.

ஆனால், அந்தச் செல்வாக்கை சாதக நிலையை ஈழத்தமிழர்களுக்காக இந்திய மத்திய அரசை செயற்பட வைக்கும் விடயத்துக்காக பயன்படுத்த கருணாநிதி விரும்பவில்லை. அப்படி மத்திய அரசை மிரட்டிப் பணிய வைப்பதற்கான 'முதுகெலும்பு' அவருக்கு இல்லை.

அப்படி மத்திய அரசையும், மத்திய அரசின் ஆளும் காங். கட்சியையும் இதற்காக அச்சுறுத்தப் போய், மத்தி அரசு தமிழக மாநில அரசின் ஆட்சியில் வைத்துக் காலை வாரி விட்டால் என்ன செய்வது என்ற பயம் பீதி அச்சம் கருணாநிதி
இதைத்தான் ஈழத்தமிழர் பிரச்சினையை வைத்து 'அண்ணன் எப்போது சாவான் திண்ணை எப்போது காலியாகும்' என சிலர் எதிர்பார்த்து நப்பாசையுடன் காத்துக் கிடக்கிறார்கள் என்று கருணாநிதி குறிப்பிடுகின்றார்

ஈழத்தமிழர் நலனுக்காகக் கூடத் திண்ணையை விட்டுக் கொடுக்கும் எண்ணத்தில் கருணாநிதி இல்லை என்பது தான் வெளிப்படை.

தமது முதல்வர் பதவியைக் கூட ஈழத்தமிழருக்காகத் துறக்கத் திராணியற்ற முதுகெலும்பற்ற நிலையில் தாம் உள்ளார் என்பதையும், பதவி மீது தமக்குள்ள மோகத்தையும் மேற்படி பேட்டிகளில் வெளிப்படையாகக் கருணாநிதி ஒப்புக் கொண்டுவிட்டார் என்பது தெளிவாகின்றது.

முதுகு வலியால் அவஸ்தைப்படும் அவர் மருத்துவமனையில ஏழு, எட்டு நாட்களாக இருக்கிறார் என்பதையும் இன்னும் ஒரு வாரம் இருக்க நேரிடும் என்பதையும கூட இப் பேட்டியில அவர் ஒப்புக் கொண்டுள்ளார்.

'முதுகெலும்பு' இல்லாததால் வந்த முதுகு வலியோ இது.....?"

நன்றி :சுடர்ஒளி
ஆசிரியர் தலையங்கம்

மூன்றாம் பிறை கமல் மாதிரி எல்லாம் பண்ணனுமாம்

தமிழனை கோமாளி ஆக்க நினைக்கும் கருணாநிதியே, என்ன நினைத்து கொண்டிருக்கிறாய். ஏற்கனவே இவ்வளவும் பண்ணியாச்சு, அதுக்கே ஒரு பதிலும் இல்லை. நீரும் அவர்களுடன் சேர்ந்து கொண்டு நடிக்கிறிர்.

ஈழத் தமிழர் பிரச்சினைக்கு நிரந்தரத் தீர்வு காண இந்திய அரசுக்கும், இலங்கை அரசுக்கும் எட்டு மாறு தமிழ்நாட்டில் பேரணி கள், விளக்கக் கூட்டங்கள், மனிதச் சங்கிலிகளை நடத்து வது என்று தி.மு.க. தலைமைச் செயற்குழுவில் நேற்று (3-2-2009) தீர்மானம் நிறை வேற்றப்பட்டது.

இனியும் தமிழர்களை ஏமாற்றாதிர்கள் தயவு செய்து. முடியுமா, முடியாதா தமிழர்களுக்கு ஆதரவளிக்க. முடியாவிட்டால் அதை அறிவித்து விடுங்கள். அதை விட்டு இந்த நொண்டி சாக்கெல்லாம் வேண்டாம் அய்யா. நீங்கள் விளக்கிதான் அவர்களுக்கு புரிய வேண்டும் என்பது தமிழனை அடி முட்டாளாக மாற்ற நினைப்பது போன்றது.

இந்த வார top 10 தமிழின துரோகிகள்

1) கருணாநிதி
2) திமுக செயற்குழு
3) சுப்பிரமணிய சாமி
4) தினமலர்
5) தினமணி
6) 40 கோஷ்டி காங்கிரஸ் வாசன்
7) 40 கோஷ்டி காங்கிரஸ் தங்கபாலு
8) ஜெயலலிதா
9) சோனியா
10) சிவசங்கர் மேனன்

ராணுவத் தாக்குதலால் 2.5 லட்சம் தமிழர்களின் உயிருக்கு ஆபத்து: செஞ்சிலுவைச் சங்கம்

கொழும்பு: வடக்கு இலங்கையில் ராணுவம் நடத்திய பயங்கரத் தாக்குதலில் நூற்றுக்கணக்கான அப்பாவித் தமிழர்கள் பலியாகியுள்ளனர். இரண்டரை லட்சம் தமிழர்கள் பாதுகாப்பற்ற நிலையில் சிக்கித் தவிக்கின்றனர் என்று சர்வதேச செஞ்சிலுவைச் சங்கம் தெரிவித்துள்ளது. இதன் மூலம் பெருமளவிலான அப்பாவிகளை ராணுவம் குறி வைத்து தாக்குவது உறுதியாகியிருக்கிறது.

சர்வதேச செஞ்சிலுவைச் சங்கத்தின் தெற்காசியாவுக்கான நடவடிக்கைகளுக்கான தலைவர் ஜேக்கஸ் டி மயோ இதுகுறித்து வெளியிட்டுள்ள அறிக்கையில், விடுதலைப் புலிகளுக்கும், ராணுவத்திற்கும் இடையே நடக்கும் சண்டையில் அப்பாவித் தமிழர்கள் சிக்கியுள்ளனர்.

நூற்றுக்கணக்கில் உயிரிழப்பு

தொடர்ந்து ராணுவம் நடத்தி வரும் கடும் தாக்குதலால் அப்பாவிகள் பாதிப்படைந்துள்ளனர். நூற்றுக்கணக்கான உயிரிழப்புகளும் ஏற்பட்டுள்ளன.

தாக்குதல் நடந்து வரும் பகுதியில் ஏராளமானோர் காயமடைந்துள்ளனர். உதவிப் பணியாளர்களும் இதில் காயமடைந்துள்ளனர்.

அந்தப் பகுதிகளுக்கு எங்களால் செல்ல முடியாத நிலை உள்ளது. இதனால் காயமடைந்தவர்களை மீட்கவும், மருத்துவ சிகிச்சைக்கான வாய்ப்புகளும் இல்லாமல் போயுள்ளன.

தாக்குதலில் சிக்கி அவதிக்குள்ளாகியிருக்கும் மக்களுக்கு உடனடி சிகிச்சை தேவைப்படுகிறது. ஆனால் அது கிடைக்காமல் அவர்கள் பெரும் அவதிப்படுகின்றனர்.

இரண்டரை லட்சம் பேருக்கு ஆபத்து

250 சதுர கிலோமீட்டர் பரப்பளவுக்குள் கிட்டத்தட்ட இரண்டரை லட்சம் பேர் சிக்கிக் கொண்டுள்ளனர். தொடர்ந்து நாலாபுறமும் இலங்கைப் படைகள் தாக்குதல் நடத்துவதால் அவர்களின் பாதுகாப்பு பெரும் கேள்விக்குறியாகியுள்ளது. எங்கும் போக முடியாத நிலையில் அவர்கள் உள்ளனர். தப்பி ஓடவும் முடியாத நிலை.

வன்னி போர் முனையி்ல முடிந்த அளவுக்கு நிவாரணம் மற்றும் மீட்புப் பணிகளில் ஈடுபட விரும்புகிறோம். ஆனால் இரு தரப்பும் உடனடியாக போரை நிறுத்த வேண்டும். அப்பாவிகள் வெளியேற வாய்ப்பு தர வேண்டும் என்றார்.

உணவும் கிடைக்காத அவலம்

இதற்கிடையே கொழும்பில் உள்ள ஐ.நா. செய்தித் தொடர்பாளர் கார்டன் வெய்ஸ் கூறுகையில், ஜனவரி 16ம் தேதி முதல் போர் நடந்து வரும் பகுதிகளுக்கு உணவு சப்ளை முற்றிலும் நின்று போய் விட்டது. மருந்துகள், உணவுகள் பெரும் தட்டுப்பாட்டில் உள்ளன என்றார்.

thatstamil

breaking news ஈழத்தமிழர்களுக்காக தமிழ்நாட்டில் இருவர் தற்கொலை முயற்சி

ஈழத்தமிழர்களைக் காப்பாற்றுங்கள் என்று முழக்கமிட்டபடியே செல்போன் கோபுரத்தில் இருந்து குதித்து தற்கொலை செய்துகொள்ள முயன்ற விடுதலைச் சிறுத்தைகள் கட்சித் தொண்டர் கை உடைந்த நிலையில் மருத்துவமனையில் சேர்க்கப்பட்டுள்ளார். அதேபோல நெல்லை மாவட்டத்தி்ல் ஒருவர் தீக்குளிக்க முயன்றார்.


கடலூர் மாவட்டம் ஆலப்பாக்கம் கிராமத்தின் விடுதலைச்சிறுத்தைகள் கட்சி முகாம் செயலாளராக இருப்பவர் தீனதயாளன்.

21 வயதான தீனதயாளன், இன்று காலை 7 மணியளவில் ஈழத்தமிழர்களுக்கு ஆதரவாக முழக்கமிட்டபடியே ஆலப்பாக்கத்தில் உள்ள ரிலையன்ஸ் நிறுவனத்தின் செல்போன் கோபுரம் மீது ஏறியிருக்கிறார்.

சுமார் 100 மீட்டர் உயரம் கொண்ட அந்த கோபுரத்தின் பெரும்பகுதியை கடந்த நிலையில் ஊரில் உள்ள பொதுமக்கள் ஓடி வந்து அவரின் தற்கொலை முயற்சியை கைவிடும்படி கோரிக்கை வைத்துள்ளனர்.

தீனதயாளனின் நண்பர்களும் அவரை கீழே இறங்கி வரும்படி கூறியிருக்கிறார்கள். சிலர் அவரைக் காப்பாற்ற அந்த கோபுரத்தின் மீது ஏறியிருக்கிறார்கள்.

அதைப் பார்த்த தீனதயாளன், ஈழத்தமிழர்களுக்கு ஆதரவாகவும், புலிகளுக்கு ஆதரவாகவும் குரல் எழுப்பியபடியே கீழே குதித்து தற்கொலைக்கு முயற்சித்திருக்கிறார்.

இதில் தீனதயாளனின் வலது கை உடைந்துவிட்டதாக அவரின் நண்பர்கள் தெரிவிக்கின்றனர். பலத்த காயமடைந்த தீனதயாளன் மேல் சிகிச்சைக்காக சென்னை கொண்டு செல்லப்பட்டுள்ளார்.

இந்த சம்பவத்தால் அப்பகுதியில் பரபரப்பு நிலவுகிறது.

நெல்லையில் தீக்குளிக்க முயன்றவர் கைது

அதேபோல, நெல்லை டவுண் பாட்டபத்தை சேர்ந்தவர் நடராஜன் என்ற கருணாநிதி. இவர் கடந்த சில ஆண்டுகளாக குடும்ப பிரச்சனை காரணமாக மனைவி மற்றும் குழந்தைகளை பிரிந்து வாழ்ந்து வருகிறார்.

இவர் தமிழ் மீது பற்றுள்ளவர். இந்நிலையில் இன்று காலை டவுண் பொலிஸ் நிலையம் முன்பு தன் மீது மண்ணெண்ணை ஊற்றிக் கொண்டு இலங்கை தமிழர்கள் வாழ்க, சிங்கள அதிபர் ராஜபக்ச ஓழிக, இலங்கை தமிழர்கள் கொன்று குவிப்பதை வேடிக்கை பார்க்கும் மத்திய, மாநில அரசு ஓழிக என்று கோஷம் போட்டவாறு தீக்குச்சியை கொளுத்தி தீ வைக்க முயன்றார்.

ஆனால் பொலிஸார் பாய்ந்து சென்று அவரை மடக்கி பிடித்தனர். பின்னர் குண்டுகட்டாக தூக்கி கொண்டு பொலிஸ் நிலையம் வந்தனர். அங்கு அவரைக் கைது செய்தனர்.

மாநகர துணை கமிஷனர் ஜெயசந்திரன், சப்-இன்ஸ்பெக்டர் குருநாதன் ஆகியோர் விசாரணை நடத்தி வருகின்றனர். இதனால் அங்கு பரபரப்பு ஏற்பட்டது.


http://www.tamilwin.com/view.php?2a36QVZ4b33P9EEe4d46Wn5cb0bf7GU24d2OYpD3e0d5ZLuGce03g2hF0cc2tj0Cde

சதிராடும் சதிகார கருணாநிதி

thanks saathri http://sathirir.blogspot.com/2009/01/blog-post_1760.html

முத்துக்குமாரின் உடலை தமிழீழம் அனுப்புங்கள்

திகதி: 01.02.2009 // தமிழீழம் // [சோழன்]
ஈழத்தமிழர்களுக்காக தனது இன்னுயிரை அர்ப்பணித்த வீரத் தமிழ் மகன் முத்துகுமாரின் உடலை தமிழீழத்திற்கு அனுப்புமாறு விடுதலைப் புலிகள் கோரியதாக இன்று நடைபெற்ற முத்துக்குமாரின் இறுதி நிகழ்வில் அறிவிக்கப்பட்டது.


எனினும், அவரது உடலை அனுப்பி வைக்க முடியாமையால் தமிழீழத்தில் மாவீரர் துயிலும் இல்லத்தில் அவருக்கான நடுகல் ஒன்றை அமைப்பதற்கு அவரது வித்துடலின் சாம்பலை அனுப்பி வைப்பதற்கு முடிவு செய்யப்பட்டுள்ளதாக தெரியவருகின்றது.


இன்று நடைபெற்ற இறுதி நிகழ்வில் ஒன்றரை இலட்சத்திற்கும் அதிகமான மக்கள் கலந்துகொண்டதுடன், மிக நீண்ட நேரம் இடம்பெற்ற இறுதி ஊர்வலம் நள்ளிரவுக்கு சற்று முன்னதாகவே நிறைவு பெற்றது. எனினும் நள்ளிரவு கடந்தும் உணர்ச்சிகர உரைகள் இடம்பெற்றுக்கொண்டிருக்கின்றன.


இதேவேளை, மாணவர்களின் உணர்வுகள் கரைபுரண்டு பெரும் எழுச்சியாக மாறிக்கொண்டிருக்கும் நிலையில் அதனைத் தணிப்பதற்காக காலைவரையின்றி பாடசாலைகளை மூடுவதற்கு தமிழக அரசு உத்தரவிட்டுள்ளது.


மாணவர்கள் ஒன்றிணைவதைத் தடுத்து, தமிழகத்தில் ஈழத்தமிழ் மக்களுக்கு ஆதரவாக கிளர்ந்தெழும் உணர்வைத் தடுப்பதற்காகவே இந்த நடவடிக்கையை தி.மு.க கலைஞர் கருணாநிதியின் அரசு எடுத்துள்ளதாக தமிழகச் செய்திகள் தெரிவிக்கின்றன.