புது நாடகமன்றோ நடக்குது, கருணாநிதி மருத்துவமனையில்

80 லாரிகளில் ஆயுதம் அனுப்பிய செய்தியினை திசை திருப்ப இப்படி ஒரு நாடகத்தினை நடத்துகிறாரோ என்ற சந்தேகம் மக்கள் மனதில் உள்ளது. தேர்தலில் வெற்றி பெற எந்தவிதமான உத்திகளினையும் பயன்படுத்துவார்கள் மக்களே உஷார். தமிழனுக்கு உதவாத ஒருத்தருக்கு என்ன வந்தால் எமக்கென்ன. தமிழின கொலைகளினை பார்த்து பார்த்து எங்கள் நெஞ்சமும் கல்லாகி போனது, இந்த் சூஜ்ஜுபி காய்ச்சல் எல்லாம் ஒன்னும் கிடையாது.

சென்னை: கடும் காய்ச்சல் காரணமாக இன்று காலை முதல்வர் கருணாநிதி சென்னை அப்பல்லோ மருத்துவமனையில் அனுமதிக்கப்பட்டார்.

85 வயதாகும் முதல்வர் கருணாநிதி சமீபத்தில் முதுகு வலிக்காக ஆபரேஷன் செய்து கொண்டு நலம் பெற்றார். முழு அளவில் அவரது உடல் நலம் சரியாகாவிட்டாலும் கூட அவர் தேர்தல் பிரசாரம் செய்வதில் பிடிவாதமாக இருந்து அதைத் தொடங்கியுள்ளார்.

இந்த நிலையில் இன்று காலை முதல்வருக்கு கடும் காய்ச்சல் அடித்தது. அத்தோடு கடுமையான முதுகு வலியும் ஏற்பட்டது.

இதையடுத்து உடனடியாக அவரை அப்பல்லோ மருத்துவமனைக்கு அழைத்துச் சென்று சேர்த்தனர். அங்கு டாக்டர்கள் அவருக்கு தீவிர சிகிச்சை அளித்து வருகின்றனர்.

பிரதமர் நலம் விசாரித்தார்

இந்த நிலையில் முதல்வர் கருணாநிதியின் உடல் நலம் குறித்து பிரதமர் மன்மோகன் சிங் இன்று கேட்டறிந்தார். கனிமொழி எம்.பிக்கு போன் செய்து முதல்வரின் உடல் நலம் குறித்து அவர் விசாரித்தார்.

இதற்கிடையே, முதல்வரின் உடல் நலம் ஸ்திரமாக உள்ளதாக டாக்டர்கள் தெரிவித்துள்ளனர்.