நேரம் தவறியதால்(punctuality) நெடுமாறன் மீது வழக்கு, கலைஞர் காமெடி அளவே இல்லை, எங்கே சென்று முட்டி கொள்வது

பழ.நெடுமாறன் மீது சென்னை போலீசார் வழக்குப்பதிவு


இயக்குநர் பாரதிராஜாவின் அலுவலகம் தாக்கப்பட்டதை கண்டித்து இலங்கைத் தமிழர் பாதுகாப்பு இயக்கம் சார்பில் சென்னை புரசைவாக்கத்தில் நேற்று பொதுக்கூட்டம் நடைபெற்றது.


இக்கூட்டத்தில் இலங்கைத் தமிழர் பாதுகாப்பு இயக்கத்தின் ஒருங்கிணைப்பாளர் பழ.நெடுமாறன், ம.தி.மு.க. பொது செயலாளர் வைகோ, இயக்குநர் பாரதிராஜா உள்பட பலர் கலந்து கொண்டனர்.


இக்கூட்டத்திற்கு அனுமதிக்கப்பட்ட நேரத்தை தாண்டி பொதுக்கூட்டம் நடத்தியதாக பழ.நெடுமாறன் மீது வேப்பேரி போலீசார் வழக்குப்பதிவு செய்துள்ளனர்.


இது குறித்து போலீஸ் அதிகாரி ஒருவர், ‘’பொதுக்கூட்டம் நடத்த அனுமதி கேட்டு விண்ணப்பித்த போது இரவு 10 மணிக்குள் கூட்டத்தை முடித்து விடுவோம் என்று கூறியிருந்தனர். ஆனால் விதிமுறைகளை மீறி இரவு 10.50 வரை கூட்டம் நடத்தப்பட்டுள்ளது.


இது தொடர்பாக இலங்கைத் தமிழர் பாதுகாப்பு இயக்கத்தின் ஒருங்கிணைப்பாளர் என்ற முறையில் பழ.நெடுமாறன் மீது வழக்குப்பதிவு செய்யப்பட்டுள்ளது’’ என்றார்.