கருணாநிதியின் கேவலமான,கீழ்த்தனமான பொய்ப் பிரச்சாரம்

இலங்கையில் போர் நிறுத்தம் ஏற்பட்டு விட்டதாம். தமிழகத்திலுள்ள சிலரும், மாலை நாளிதழ்களும் விடுதலைப்புலிகள் கொடுக்கும் செய்தியை அச்சிட்டு வருகின்றனராம்.

அவர்களின் மேல் சட்டத்திற்குட்பட்டு நடவடிக்கையை எடுக்கப்படும் தமிழக முதல்வரின் வீடு அமைந்திருக்கும் கோபாலபுரம் பகுதிகளிலும், சென்னை முழுக்க காணப்படும் பரபரப்பு போஸ்டர், இலங்கையில் போர்நிறுத்தம் எற்பட்டு விட்டபோதிலும்,

பொய்யான செய்திகளை தமிழகத்திலுள்ள மாலை நாளோடுகள் விடுதலைப்புலிகளிடம் செய்தி பெற்று அச்சிட்டு மக்களை திசை திருப்புகின்றனராம்.



போஸ்டரில் காணப்படும் வாசங்களை முதலில் பார்ப்போம். "இலங்கையில் போர் நிறுத்தம் என்றாலும்.... இங்குள்ளோர் சிலர் அதை விடுதலைப் புலிகளிடம் செய்திகளைக் கேட்டு திசை திருப்பி இல்லை - இல்லை என்று உள்நோக்கத்தோடு பொய் செய்திகளைப் போடுகிறார்கள். மாலைப் பத்திரிகைகள் ஒன்றிரண்டு செய்யும் இத்தகைய அபாண்டமான பிரச்சாரத்துக்கு சட்ட பூர்வமாக நடவடிக்கை தயவுதாட்சண்யமின்றி எடுக்கப்படும்

இன்னும் ஒரிரு நாளில்! (டெல்லித் தகவல்) - இலங்கைத் தமிழர் நல உரிமைப் பேரவை இவ்வகையான போஸ்டரை அடித்துள்ளதாய் கீழே குறிப்பிடப்பட்டுள்ளது. இலங்கைத் தமிழர் நல உரிமைப் பேரவை ஏற்பட்டது இதற்கு வேண்டியா? கருத்து சுதந்தரம், இதழ் சுதந்தரம், பேச்சு சுதந்தரம் பற்றி வாய் கிழிய பேசும் நமது ஆளும் கட்சியினரும் பிறரும் இதற்கு என்ன பதில் சொல்லப்போகின்றனர். - மாணவர்கள் காங்கிரசுக்கு எதிராக பிரச்சாரம் சிவகங்கையில் மேற்கொண்டபோது, கைது செய்து இன்னும் வெளிவராமல் இருந்து வருகின்றனர். - பெண்கள் 20 பேர் சாகும் வரை உண்ணாநிலையை மேற்கொண்டபோது, 5 பேரை வலுக்கட்டாயமாய் கைது செய்தனர்.

- இயக்குநர் சீமான், கொளத்தூர் மணி, நாஞ்சில் சம்பத் போன்ற மேடைப் பேச்சாளர்களை பாதுகாப்புச் சட்டத்தில் கைது செய்ததும், பின்னர் உயர்நீதி மன்றம் அவர்கள் மேல் போட்டுள்ள வழக்கு நேர்மையற்றது என்று கூறி அனைவரையும் விடுதலை செய்யப்பட்டதுமே நாக்கை பிடுங்கிக் கொண்டு சாக வேண்டும். - காரைக்குடியில் தமிழின உணர்வாளர் ராமு, தனக்கு எற்பட்ட மன உளச்சல் காரணமாய், மத்திய அமைச்சர் சிதம்பரத்தின் பொதுக்கூட்டத்தில் செருப்பை எறிந்து, ஈழத்தமிழர் மீதான போரை நிறுத்தக்கோரி முழக்கமிட்ட போது, மேடையிலிருந்த சிதம்பரம் பெருந்தன்மையாக ராமுவை விட்டுவிடுங்கள் என கூறிவிட்டு,

காவல்நிலையத்தில் சிதம்பரத்தின் மகன் கார்த்திக் சிதம்பரம், 'அவனை கொல்லுங்கள்" என கூறிய போது, காவலர்கள் ராமுவை குப்புற படுக்க வைத்து, லத்தியால் கால்களை அடித்தும் ராமுவின் மர்ம உறுப்பை பூட்ஸ் காலால் மீதித்து துன்புறுத்தி வழக்கு போடாமல் அனுப்பி, தற்போதும் அவரை அச்சுறுத்தி வருவதும், அரசின் மனித நேயத்தின் சாட்சிகளாய் இருந்து வருகிறது. - அதே சிதம்பரத்தின் மகன் கார்த்திக் சிதம்பரம் சிவகங்கையில் வழக்குரைஞர் ஒருவர் வேட்பாளர் வேட்புமனுமீதான பரிசிலனையின் போது 'போரை நிறுத்து" என்னும் மேற்சட்டையை அணிந்து வந்து போது, அந்த வேட்பாளரின் வேட்புமனுவை தள்ளுபடி செய்ய வேண்டும்



என்று கத்திக் கொண்டிருந்தபோது, சட்டம் ஒழுங்கு குறித்து அரசு செய்தது என்ன? ஈழத்தமிழருக்காக உயிரையே கொடுப்பேன் என்றுரைத்த தமிழக முதல்வர், ஈழத்தமிழர் பிரச்சனையை தீர்க்க இலங்கைத் தமிழர் நல உரிமைப் பேரவையை எற்படுத்தியிருந்தார் என்றே இதுவரை எண்ணிவந்த மக்களுக்கு, அப்பேரவையின் செயல்பாடு பற்றி இதுவரை ஒன்றுமே தெரியாது இருந்தபோது, இப்போதுதான் உண்மையான செயல்பாடாய் இந்த போஸ்டர் ஒட்டப்பட்டுள்ளது.




அப்பேரவையின் செயல்பாடுகள் மக்களுக்கு என்னவென தெரிய வந்துள்ளது. சட்ட முறையிலான நடவடிக்கைக்காகத்தான் அப்பேரவையின் பல உறுப்பினர்கள் மேனாள் நீதி அரசர்களை தமிழக முதல்வர் நியமித்தாரோ? உலகம் முழுக்க உள்ள நாடுகளும், ஐக்கிய நாடுகள் சபையும் இதுவரை இறந்தோர் எண்ணிக்கையை வெளிப்படையாக கொடுத்து வரும் வேலையில், தமிழகத்தில் ஓட்டுக்காக இலங்கைத் தமிழர் நல உரிமைப் பேரவையின் இப்போஸ்டர் இப்போது கண்டிப்பாய் தேவைதான்.