காங்கிரஸ்-தி.மு.க. கூட்டணியைத் தோற்கடித்தால் மட்டுமே, அடுத்தகட்ட உதவிகளை தமிழீழம் எதிர்பார்க்க முடியும்

காங்கிரஸ்-தி.மு.க. கூட்டணியைத் தோற்கடித்தால் மட்டுமே, இந்தியாவிடமிருந்து அடுத்தகட்ட உதவிகளை தமிழீழம் எதிர்பார்க்க முடியும் என்ற நிலையில் இன்று நாம் உள்ளோம். சில நண்பர்கள் தவறான கருத்துக்களுடன் இவர்களை தோற்கடித்தால் ஜெ வந்து விடுவார் என பயப்படுகின்றனர். இந்த காங்கிரஸ் அரசினை விட யாரும் தமீழீழ விடுதலையினை/தமீழீழ மக்களை கொலை செய்திருக்க முடியாது. ஏறக்குறைய இன்று தமிழினம் அழியும் நிலையில் உள்ளதற்கு காரணம் இந்த காங்கிரஸ்தான்.

இது புரியாதது போல் கருணாநிதியும், வீரமணியிம் மதி கெட்டு அழைகின்றார்கள். இந்த கூட்டணி பொன்.சகோ, ராசபக்சேயை மட்டும்தான் போர்நிறுத்த கூட்டங்களுக்கு அழைத்து வரவில்லை. முடிந்தால் மக்களை ஏமாற்ற அவர்களை அழைத்து வந்தாலும் ஆச்சரியப்படுவதிற்கில்லை.

தைரியமாக உண்மை தமிழனாக, தமிழ் மக்களின் மேலுள்ள அன்பினால், பாசத்தினால் கூறுகிறேன் எந்த குழப்பமும் இன்றி இந்த காங்க்கிரஸ்-திமுக கூட்டணியினை தோற்கடியுங்கள். இவர்களை தவிர்த்து யார் வந்தாலும் அது நமக்கு நன்மையே. நான் கட்சியால பிழைப்பவனும் அல்ல. எந்த கட்சி அனுதாபியிம் அல்ல.

வேறு கட்சி ஆட்சிக்கு வரும் போழுது முதலில் இந்திய ராணுவ உதவிகள் வாபஸ் வாங்கப்படும், இலங்கை ராணுவம் இன்று ஆள் பற்றாகுறையில் தவிக்கிறது. இந்தியா தனது உதவிகளை நிறுத்துவது கூட தமீழீழ வெற்றியின் ஆரம்பமே.

மீண்டும் சொல்கிறேன் தி.க தொண்டர்களே, வீரமணியின் புத்திசாலிதனம் காணாது, அவரால் ஒரு குறுகிய வட்டத்துகுள்ளே சிந்திக்க முடிகிறது. அந்த வட்டம் கருணாநிதியினை சார்ந்தே உள்ளது.

கருணாநிதி காங்கிரஸோடு இருக்கும் வரை அவருக்கு ஜெ வித்தியாசம் கிடையாது. கண்டிப்பாக இந்த பாராளுமன்ற தேர்தலில் காங்கிரஸ்-தி.மு.க. கூட்டணியை தோற்கடிக்கப்படவேண்டும். இன்னும் 2 வருடத்திற்குள் கருணாநிதி திருந்துவதை பொறுத்து அவருக்கு சட்ட மன்ற தேர்தலில் ஆதரவளிக்கலாம்.